Tá an féarthalamh seo ar shuíomh foscúil a bhfuil a aghaidh ó dheas, áit a bhfuil fálta sceach ard ilspeicis ag an mbarr, a bhfuil fána síos go dtí giolcach agus sruthán ag an mbun. Cuimsíonn an móinéar éagsúlacht mhór bláthanna agus féara, lena n-áirítear Féar an Chinn Bháin, Tráithnín Coinfhéar, Féar Cumhra, Gliográn, Seamair Dhearg, Dúmheidic, Crobh Éin, Feabhrán, Boladh Cnis agus magairlíní. Bíonn Airgead Luachra, Créachtach, Caorthann Corraigh agus Gallfheabhrán le fáil sna ceantair
taise. Soláthraíonn sé seo gnáthóg leanúnach do raon leathan feithidí agus inveirteabraigh le linn an tséasúir fáis.
Taifeadadh go leor speiceas éagsúil de fhéileacáin, bumbóga, beacha aonair, beacha ghabhair agus leamhain. Tá an Beach Charda Mór annamh ann freisin. Is údar spreagtha iad éagsúlacht na bhfeithidí agus na n-inveirteabrach do speicis éan ar nós Caislín Cloch, Gealóg Giolcaí, Ceolaire Casarnaí ó am go chéile agus sa gheimhreadh, an Naoscach, Creabhar agus imircigh eile ar cuairt.
