San iomlán, tá os cionn 160 heicteár de thalamh páirce chun fánaíochta agus le taiscéaladh ag Dún ar Aill. Mar sin, chomh maith leis na féarthailte, is féidir leat an Fia, Ioraí, Madraí Uisce agus Corr Réisc a fheiceáil, agus iniúchadh a dhéanamh ar na crainn ársa mhaorga, locháin éisc, rianta agus cosáin.
San oirthuaisceart tá féarthalamh mór (22 ha) agus éagsúil leathnádúrtha, a bhainistítear mar mhóinéar. Rinneadh taifead le linn cuairte a thug Cumann Luibheolaíoch na Breataine agus na hÉireann (BSBI) in 2021 go raibh go leor speiceas plandaí soithíoch ag fás ann, lena n-áirítear roinnt speiceas neamhchoitianta ar nós Nuacht Bhallach, Magairlín Corraigh na hÉireann agus an féar, Brómas Mín.
Baineadh úsáid as an móinéar seo mar shuíomh deontóra do thionscadal ‘féar glas’ ar fheirm in aice láimhe. Seo an áit a ngearrtar féar ó shuíomh atá ar mhórán speiceas, agus ar an lá céanna, déantar é a scaipeadh ar shuíomh nach bhfuil mórán speiceas ann. Mar sin is féidir síolta ó raon speiceas a thabhairt chomh fada leis an suíomh faighteora. Bailíodh sonraí luibheolaíocha mionsonraithe mar chuid den tionscadal seo, agus léiríonn siad go bhfuil saibhreas speiceas maith ag an bhfásra
sa mhóinéar i nDún ar Aill, le raon de ghnáthspeicis féir agus luibheanna le fáil, ar nós, feoranna, cuise, Féar Fiteog Léana, Féar Cumhra, seamra, Athair Thalún agus Cluas Chait.
