Tá an suíomh seo saibhir ó thaobh éagsúlacht bláthanna de mar thoradh ar innilt gheimhridh agus eallach ar fhéarthalamh an chnoic aolchloiche. Tarlaíonn laftáin bheaga nó leatháin chothroma nochta agus is minic a shíonchaitear isteach i bpatrún pábhála iad, cosúil leis an gceann a fhaightear sa Bhoirinn, Co. an Chláir. Tar éis an stoc a bhaint, is féidir le plandaí fás, bláthú agus síol a shocrú, rud a fhágann go bhfuil comharbas féar agus bláthanna fiáine cosúil le Tráithnín Coinfhéar, Cuise Mín, Coirce Buí, Féar Gortach, Tím Chreige, Searbh na Muc, Ainís Fhiáin, Glanrosc, Lus na mBan Sí agus Nóinín Mór. Fásann Magairlín Féitheach neamhchoitianta go tíosach tríd an bpobal seo, in éineacht le Magairlín an Loscáin agus Nuacht Bhallach. Tá roinnt aillte le fáil ar an taobh theas de Chloch Mhantach áit a bhfuil Scim Leathan coitianta, chomh maith le Gas Caillí Giobach. Tá codanna den suíomh seo saibhir i bhfungais freisin, go háirithe Caidhpíní.
Tá coillearnach le fáil ar an bhfána thiar thuaidh, faoi cheannas Coll agus Beith Chlúmhach, le raon maith speiceas luibheanna sa chiseal talún. I limistéir úscaíola is iad an Glóiris, Glasair Choille agus Cíb Scartha is mó atá ar fáil, agus tá beagán Macall Uisce, Lus Moileas agus Móinfhéar Garbh ag bun an fhána. Tá pobal d’fhéileacán fritileán riasc ar an suíomh chomh maith, le tacaíocht ó Odhrach Bhallach.
