Faightear luibheanna atá tipiciúil d’fhéarthailte a bhainistítear go traidisiúnta ar fud Thulaigh Raite agus tá Glanrosc, Mínscoth agus Nuacht Bhallach ina measc. Tá na féara Feisciú Dearg, Tráithnín Coinfhéar, Feorainn Mhín agus Féar Cumhra coitianta sa bháinseach. Tá dáileadh níos logánta ag luibheanna eile ar nós an Gliográn agus an Mealbhacán. Is minic a bhíonn Ainís fhiáin go háitiúil ar an suíomh; is minic a bhíonn sé seo in oirdheisceart an Dúin agus sna cnoic basailt timpeall Bhéal Feirste, ach
is annamh agus logánta é in áiteanna eile i dTuaisceart Éireann. Cuirtear éagsúlacht bhreise ar fáil trí scrobarnach a bheith ann agus is gnáthóg luachmhar í d’fheithidí, d’éin agus do mhamaigh. Soláthraíonn an suíomh ísealchríche ar fhána thiar theas gnáthóg iontach d’fheithidí; i rith mhíonna an tsamhraidh, tá an ceantar beo le feithidí pailnitheacha ar nós an Bhumbóg Earr-Rua, Fritileán Dúghlas, Copróig Bheaga.
Tá réimse cineálacha féarthailte agus cur chuige bainistíochta ag an bhfearann páirce níos leithne ag Barda an Chaisleáin. San am a chuaigh thart, baineadh cuid mhór féarthalamh ar mhaithe le taitneamhacht agus luach aeistéitiúil. Le blianta beaga anuas, laghdaíodh baint, rud a ligeann do níos mó réimsí do phlandaí dúchasacha fás, bláthú agus síolta a shocrú. Chuir sé seo ar chumas na móinéir trasna an eastáit a athchóiriú go nádúrtha. Cuireadh síol bunáitíochta áitiúil ó Thulaigh Raite i gceantair
áirithe chun iarrachtaí athchóirithe a threisiú. Úsáidtear comharthaíocht agus léirmhíniú chun feasacht a ardú ar chórais bhainistíochta le haghaidh athchóiriú an dúlra.
